పంచభూతాలపై ఆధిపత్యమ్

     
      

29.08.2017 మంగళవారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

పంచ భూతాలపై ఆధిపత్యమ్

ఈ రోజు మరొక అధ్భుతమైన సాయిబాబా శక్తిని తెలుసుకుందాము.  శ్రీసాయి సత్ చరిత్ర పారాయణ చేసేవారందరికీ బాబావారికి దైవాంశ శక్తులు, అంతే కాక ప్రకృతిని కూడా శాసించగలిగే శక్తి ఉన్నాయని తెలుసు.  బాబా తాను జీవించి ఉన్న రోజులలోనే కాదు, మహాసమాధి చెందిన తరువాత కూడా ఆవిధంగానే తన శక్తిని చూపించి తానింకా మన మధ్యనే ఉన్నారన్నదానికి సజీవ సాక్ష్యమే ఇప్పుడు మనం తెలుసుకోబేయే ఈ అధ్బుతమైన లీల.

ఇది సాయిలీల మాసపత్రిక నవంబరు 1974 వ.సంవత్సరంలో ప్రచురింపబడింది.

 

సాయిసేవలో తరించిన డాక్టర్ కుటుంబం – డాక్టర్ పితలే దంపతులు – 2 వ.భాగమ్

   

      

27.08.2017 ఆదివారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

ఈ రోజు మరొక అద్భుతమైన బాబా లీలలను తెలుసుకుందాము.  బాబా, డాక్టర్ పితలే కుటుంబంవారికి ఎన్ని అధ్బుతమైన అనుభవాలను ఇచ్చారో తెలుసుకుంటే ఒళ్ళు గగుర్పాటు కలిగిస్తుంది.  సాయిలీల ద్వైమాసపత్రిక మే – జూన్ 2010 వ.సంవత్సరంలో ప్రచురింపబడిన ఆంగ్ల వ్యాసానికి తెలుగు అనువాదమ్.

   వ్రాసినవారు : శ్రీమతి మయూరి మహేష్ కదమ్

   మరాఠీనుండి ఆంగ్లంలోకి అనువదించినవారు  : శ్రీమతి షంషాద్ ఆలీ బేగ్

సాయిసేవలో తరించిన డాక్టర్ కుటుంబం – డాక్టర్ పితలే దంపతులు – 2 వ.భాగమ్

“యాత్రికులందరికీ ఉచితంగా వైద్య సేవలు, వారికి అవసరమయిన మందులు ఏవిధంగా యివ్వగలుగుతున్నారు?” అని అడిగాము.

“2001 వ.సంవత్సరంలో మానాన్నగారు తన కోరిక తీరితే షిరిడీ వస్తానని బాబాకు మొక్కుకున్నారు” అని చెప్పారు పితలే.

     
             (గుడి పడవ పండుగ)

“ఆయన కోరుకున్న కోరిక తీరడంతో మేము మరుసటిరోజునే షిరిడీకి ప్రయాణమయ్యాము.  ఆరోజు గుడిపడవ పండగ.  మేము మాకూడా ప్రధమ చికిత్స పెట్టి, (First Aid Box), కొన్ని మందులను తీసుకుని వెళ్ళాము.  మేము మాకారుని  బైపాస్ రోడ్డు దగ్గర కాసేపు ఆపాము.  ఆసమయంలో ‘శ్రధ్ధ సబూరి’ భక్త మండలివారు పల్లకీలో సాయిబాబా ఫొటోని పెట్టి యాత్ర చేస్తూ మేమున్న చోటకి వచ్చి ఆగారు.