Sairam ,If you wish to share your experiences ,poems on Sai or any Sai mandir information ,sai paintings etc then mail us on any one e-mail Id's .

Mail to priyanka Rautela -saipriya.rautela@gmail.com
Mail to Tyaga Raju Ji - tyagaraju.a@gmail.com

Sunday, May 15, 2011

బాబా కి సమర్పించు దుస్తుల కొలతలు

Posted by tyagaraju on 3:59 AM




15.05.2011 ఆదివారము

బాబా కి సమర్పించు దుస్తుల కొలతలు

ఓం సాయి శ్రీ సాయి జయజయ సాయి


సాయి బంథువులకు బాబా ఆశీర్వాదములు

ఈ రోజు బాబాకి సమర్పించే దుస్తుల కొలతలు యేవిథంగా ఉండాలి, షిరిడీలో వాటిని యెలా సమర్పించాలి అనే విషయాన్ని తెలుసుకుందాము.

ఈ సమాచారమంతా షిరిడీలో బాబాకి దుస్తులను సమర్పిద్దామనుకునేవారందరికి చాలా ఉపయోగకరంగా ఉంటుంది. శ్రీమతి ప్రియాంకా రౌతేలా గారి బ్లాగునుండి తెలుగు అనువాదం.

ప్రియమైన పాఠకులారా, నేను షిరిడీ యాత్ర చేసినప్పుడు నాకు కలిగిన స్వీయానుభవంతో దీనిని రాస్తున్నాను. దుస్తుల కొలతలు, సమర్పించే విథానం రాసేముందు , ప్రతీవారి దుస్తులను స్వీకరించి, అందరి హృదయాలను ప్రేమ భక్తితో నింపమని నేను బాబాని ప్రార్థిస్తున్నాను.

నాకొక విషయం తెలుసు, యెవరయితే సాయి లీలలను ప్రేమతో వింటారో, ఆయన చూపిన దారిలో పయనిస్తారో, వారు బాబాతో కలిసి ఉంటారు. ఆయన శక్తి మీద నమ్మకం ఉంచుకుని, శరణాగతి చేసి, సందేహానికి తావులేకుండా, ధృఢమైన భక్తితో ఉండాలి. ఆయన యశస్సు మచ్చ లేనిది. నన్ను నమ్మండి, మీరు అలా కనక చేస్తే మీ చింతలు, బాథలు, భయాలూ, అన్ని చుట్ట చుట్టుకుపోతాయి.



నేనిప్పుడు అసలు విషయానికి వస్తాను. మీరు యేదీ కూడా మిస్ అవకుండా నేను ప్రతీ విషయం దేనికదే రాస్తున్నాను.

1. యెప్పుడూ పెద్ద పెద్ద ఆశలు పెట్టుకుని వెళ్ళద్దు, కారణం బాబా యేది చేసినా మంచి కోసమే, ఒకవేళ యేకారణం చేతనయినా మీరు సమర్పించే దుస్తులని అంగీకరించకపోతే, బాబాకి మీమీద ప్రేమ లేదనుకోకండి, మీరు దురదృష్టవంతులనుకోకండి. శ్రథ్థ, నమ్మకంతో ఉండండి, సాయి అందరినీ సమ దృష్టితో చూస్తారన్న్నది నిజం.

2. యెప్పుడూ, బాబా దుస్తులని మీరే స్వయంగా కుట్టండి. ఫాన్సీగానూ, ఖరీదుగానూ ఉండే బట్టలని కొనకండి. బాబాగారు థరించేది మీ ప్రేమని, భక్తిని మాత్రమే, మీరు సమర్పించే థనాన్ని కాదు.

3. తయారు చేసిన దుస్తులను చక్కగా కుట్టండి, దానిమీద అందంగా చీటీ మీద రాయండి. సమాథి మందిరం యొక్క అడ్మినిస్ట్రేటివ్ ఆఫీస్ కి మీరు సమర్పించే దుస్తులతో వెళ్ళండి. అక్కడున్న సెక్యూరిటీ గార్డ్ మిమ్మలిని తప్పకుండా ఆపేస్తాడు. అతనితో, మీరు బాబాకి దుస్తులు సమర్పించదలచుకొంటున్నానని, అడ్మినిస్ట్రేటివ్ ఆఫీసర్ గారిని కలవాలని చెప్పండి.

4. ఒకసారి మీరు అడ్మినిస్ట్రటివ్ యే ఆఫీసరుగారిని కలుసుకున్నా, వారికి మీరు సమర్పించే దుస్తులను చూపించండి వారు మిమ్మల్ని హెచ్.ఓ.డీ (హెడ్ ఆఫ్ ది డిపార్ట్ మెంట్) కి పంపుతారు. ఆ హెచ్.ఓ.డీ వాటిని బాబాకి యెప్పుడు వేయాలో ఆయన నిర్ణయం తీసుకుంటారు. దాని ప్రకారం యెప్పుడు వేసేదీ మీకు సమాచారం అందిస్తారు.

5. ఒకవేళ మీరు అడ్మినిస్ట్రేటివ్ ఆఫీసర్ గారిని కలవలేకపోతే, దాని బదులు మీరు చేయవలసినది డొనేషన్ కవుంటర్ వద్దకు వెళ్ళి చెప్పండి, వారు భక్తులకి ఈ విషయంలో సహాయ పడతారు.

ప్రయత్నించండి, ఓడిపోవచ్చు, కాని యెప్పుడూ ప్రయత్నించడంలొ విఫలం అవద్దు.

6. యెప్పుడు చాలా వైటింగ్ లిస్ట్ ఉంటుంది. కాని సాయి మీదుస్తులని థరించాలనుకుంటే ఆయన దగ్గిర యే లిస్టూ, యే రూలూ పనిచేయదు. అంచేత మీ మనసులో యే విథమైన ఆలోచన లేకుండా, పూర్తిగా శరణాగతి చేయండి.

ఇప్పుడు నేను దుస్తుల కొలతల గురించి చెపుతాను.

బాబా విగ్రహానికి ::

పొడవు 3 మీటర్లు, వెడల్పు 46 అంగుళాల కొలతలతో గుడ్డ తీసుకోండి.

బాబా సమాథి మీదకి ::

పొడవు 3 మీటర్లు, వెడల్పు 46 అంగుళాలు

తలపాగా ::

1.5 మీటర్ల గుడ్డ తీసుకోండి.

మెడలో కండువాకి ::

ముదురు రంగులో 2 మీటర్ల గుడ్డ.

సాయిరాం

అల్లాహ్ మాలిక్

***
ఇందులో ఇచ్చిన చిత్రాలలో శ్రీమతి ప్రియాంకా గారు సమర్పించిన దుస్తులను చూడండి.

బాబా గారు వాటిని స్వీకరించిన లీలను కూడా ఇందులో ప్రచురించడం జరిగింది. పేరు : నా కలలో షిరిడీ, షిరిడీ.

చదివి ఉండకపోతే అదికూడా చదవండి.


సర్వం శ్రీ సాయినాథార్పణమస్తు

Kindly Bookmark and Share it:

0 comments:

Post a Comment

 

Shirdi Sai Real Leelas

Bhjans Of Sai

Sai Prayer Club

My Blog List