06.04.2012 శుక్రవారము
ఓం సాయి శ్రీసాయి జయజయ సాయి
సాయి బంధువులకు బాబావారి శుభాశీస్సులు
గత వారం రోజులుగా ప్రచురణకు కొంత ఆలశ్యం జరుగుతూ ఉంది. నెట్ కనెక్షన్ సరిగా లేకపోవడం వల్ల సాధ్యం కావడంలేదు.
ఈ రోజు సాయి.బా.ని.స. డైరీ - 1995 19 వ.భాగాన్ని చదువుకుందాము.
సాయి.బా.ని.స. డైరీ - 1995 (19)
నిన్న రాత్రి శ్రీసాయికి నమస్కరించి ఆధ్యాత్మిక సందేశము ప్రసాదించమని వేడుకొన్నాను. శ్రీసాయి కలలో చూపిన దృశ్యముయొక్క సారాంశము. మనము తోటలోనికి వెళ్ళి పూలు కోస్తాము.
26.07.1995
నిన్న రాత్రి శ్రీసాయికి నమస్కరించి "సాయినాధ సంసారము చేస్తూ ఆధ్యాత్మిక రంగములో ముందుకు సాగిపోవటానికి సలహాలు, సూచనలు యివ్వమని కోరినాను. రాత్రి కలలో శ్రీసాయి చూపిన దృశ్యాల సారాంశము.
1. ప్రాపంచిక రంగములో నీవు మొదట భోజనము చేసినపుడు నీలో నేను నాది అనే భావన విపరీతముగా పెరిగిపోతుంది. అందుచేత నీవు భోజనము చేసేముందు నీప్రక్కవాడికి ముందుగా భోజనము పెట్టి ఆ తర్వాత నీవు భోజనము చేయి.
2. ఆధ్యాత్మిక రంగములో నీవు మొదట భోజనము చేసినపుడు నీలో నేను నాది అనే భావన తొలగిపోయి యిది అంత భగవంతునిది అనే భావన కలుగుతుంది. అందుచేత ఆధ్యాత్మిక రంగములో నీవు ముందు భోజనము చేసి ఆభొజనమును జీర్ణించుకొనిన తర్వాతనే ఆధ్యాత్మిక భోజనముమును నీప్రక్కవాడికి పెట్టాలి.
27.07.1995
నిన్న రాత్రి శ్రీసాయికి నమస్కరించి భగవంతుని అనుగ్రహాన్ని నాజీవితములో ప్రసాదించమని వేడుకొన్నాను. శ్రీసాయి ఒక విచిత్రమైన దృశ్యాన్ని చూపించినారు. దాని సారాంశము. జీవితము అనే వస్త్రానికి కష్ఠాలు అనే మురికి అంటుకొన్నపుడు శ్రీసాయి అనే మంచి డిటర్జెంటు సబ్బుబిళ్ళ వాడు. అపుడు నీజీవితము అనే వస్త్రము స్వచ్చమైన పితికిన పాలరంగులో ఉంటుంది. నేను కలలో బట్టలు ఉతుకుతు నిద్రనుండి లేచినాను. శ్రీసాయికి నమస్కరించి సదా భగవంతుని అనుగ్రహాన్ని ప్రసాదించమని వేడుకొన్నాను.
27.09.1995
నిన్నరాత్రి శ్రీసాయికి నమస్కరించి, భగవంతుని గురించి తెలియచేయమని కోరినాను. శ్రీసాయి రాత్రి కలలో చూపిన దృశ్యాల సారాంశము. "భగవంతునికి నాగురించి, నాగతము గురించి, నావర్తమానము గురించి, నాభవిష్యత్ గురించి అన్నీ తెలుసును. ఆయన అనంతుడు. శక్తిమంతుడు.
అటువంటి భగవంతుని గురించి తెలుసుకోవటము నాకు సాధ్యము కాదు అని గ్రహించినాను. యిక మీదట నేను భగవంతుని గురించి తెలుసుకోవటానికి ప్రయత్నించను. భగవంతుడు ఉన్నాడు - భగవంతునికి నాగురించి అన్నీ తెలుసును. భగవంతుడు అనుక్షణము నన్ను కాపాడును. నన్ను నాగమ్యానికి చేర్చును అని నమ్ముతున్నాను.
(యింకా ఉంది)
సర్వం శ్రీ సాయినాధార్పణమస్తు
0 comments:
Post a Comment