22.01.2026 గురువారమ్
ఓమ్ సాయి శ్రీ సాయి జయజయ సాయి
సాయి బంధువులకు బాబావారి శుభాశీస్సులు
బాబా మా ఇంటికి భోజనానికి రమ్మనగానే వచ్చారు
క్రిందటి వారం బాబా గారు మీ ఇంటికి కూడా వచ్చి ఉండవచ్చు ప్రచురించాను. మీరందరూ చదివే ఉంటారు.
ఈ రోజు బాబా మన ఇంటికి భోజనానికి వస్తారు అనగానే ఏ విధంగా వచ్చారో వివరిస్తాను. 2009 లేక 2010 సం> ఇదే బ్లాగులో ప్రచురించాను. టైటిల్ ఏమి పెట్టానో గుర్తు లేదు. కాని ఇప్పుడు గుర్తుకు తెచ్చుకుని మరలా నా స్వీయానుభవాన్ని మీ అందరితో పంచుకుంటున్నాను..త్యాగరాజు
బహుశ 2009 గాని 2010 సంవత్సరంలో అనుకుంటాను. ఆ రోజు గురువారం. నేను ఆఫీసుకు బయలుదేరేముందు ఉదయం తొమ్మిది గంటలకు భోజనం చేస్తున్నాను. నా భార్య పూజ చేసుకుంటూ శ్రీ సాయి సత్ చరిత్ర పారాయణ చేసుకుంటోంది. తను గురువారము నాడు భోజనం చేయనని ఒక నియమం పెట్టుకుంది. అందుచేత నాకు ఒక్కడికే సరిపడా వంట చేసి బల్ల మీద పెట్టింది. నాకు సరిపడా అన్నం చిన్న గిన్నెతో వండింది.
