Sairam ,If you wish to share your experiences ,poems on Sai or any Sai mandir information ,sai paintings etc then mail us on any one e-mail Id's .

Mail to priyanka Rautela -saipriya.rautela@gmail.com
Mail to Tyaga Raju Ji - tyagaraju.a@gmail.com

Saturday, August 18, 2012

శిఖరాలు - లోయలలో శ్రీసాయి (రెండవభాగము) - 7

Posted by tyagaraju on 8:01 AM


                                                               
                                                  

18.08.2012  శనివారము
ఓంసాయి శ్రీసాయి జయజయసాయి


శిఖరాలు - లోయలలో శ్రీసాయి (రెండవభాగము)  -  7

56. నీకు ఆకలి వేసినపుడు నీదగ్గర ఉన్న ధనాన్ని ఖర్చు చేసి భోజనము చేస్తున్నావే - అపుడు నీకు తెలియలేదు అన్నము పెట్టినవాని కులము.  

ఎవరో ప్రేమతో నిన్ను భోజనానికి పిలిచినపుడు ఆపిలిచినవాని కులము, మతము గురించి ఆలోచించుతున్నావే, యిది ఎక్కడి న్యాయము.

    - 14.10.96

57. భగవంతుడు నీకు సహాయము చేయదలచినపుడు మానవ రూపములో గాని
జంతురూపములో గాని నీదగ్గరకు రాక తప్పదు.   





భగవంతుని రాకను నీవు గుర్తించిననాడు నీవు చాలా అదృష్టవంతుడివిఅటువంటి అదృష్టము నూటికి, కోటికి ఒకరికి లభించుతుంది

    - 11.11.96

58. నీకు అపకారము చేసినవారిని నీవు దూషించటము మానివేసిన రోజున 
నేను నీకు ఉపకారము చేయటానికి ఏదో ఒక రూపములో వస్తానునీజీవితములో నీకు సుఖశాంతులు ప్రసాదించుతాను.

    - 12.11.96

59. డబ్బు వ్యవహారాలలో మిత్రులు, బంధువులు, శత్రువులుగా మారే అవకాశముయున్నదిఅందుచేత డబ్బు వ్యవహారాలు ఆచరణలో పెట్టేముందు ఒకటి రెండుసార్లు ఆలోచించాలిహడావిడి పనికిరాదు

    - 27.11.96

60. చదువు తెలివితేటలు ఉండికూడా భగవంతుని మరచిపోయి వ్యసనాలకు బానిసలుగామారి జీవిత నౌకను కష్టాలకడలిలో నడిపించుతారు కొందరుచదువు తెలివితేటలు లేకపోయినా సద్గురుని నమ్ముకొని తమ జీవిత నౌకని సుఖసంతోషాలతో ఆనంద సాగరములో నడిపించుతారు మరికొందరు.

    - 13.11.96

61.  సంసారము సాగించటానికి ధన సంపాదన ముఖ్యమే, అలాగ అని బాధ్యతలు విస్మరించి, ధన సంపాదన కోసమే జీవించితే, ఆధన సంపాదనకు అర్ధము లేదుఅందుచేత నీబరువు బాధ్యతలను పూర్తి చేయటానికి కావలసిన ధనము సంపాదించి బాధ్యతాయుతమైన జీవితము గడపాలి.  

     - 22.11.96
62. ఇతరుల ఆధ్యాత్మిక రంగ ప్రయాణములో నీవు సలహా మాతమే యివ్వాలిఅంతేగాని వారితో కలసి ప్రయాణము చేయటానికి ప్రయత్నించటము తలనొప్పి కొని తెచ్చుకోవటములాంటిది.

    - 27.11.96

63.  నీ పుట్టినరోజు పండుగరోజున విష్ణుసహస్రనామ పారాయణ గావించు
నీకు. నీపితృదేవతల  ఆశీర్వాదాలు లబించును.

    - 28.11.96

64.  సంసార సాగరములో జీవితనౌక ఒడిదుడుకుల మధ్య ప్రయాణము సాగిస్తుంటే, అనౌక మీద విష్ణుసహస్రనామము అనే జండా ఎగరవేయిఅపుడు జీవితనౌక ప్రశాంతముగా ఆసాగరములో ప్రయాణము సాగించుతుంది.  

    - 28.11.96

65.  ప్రకృతిలో ఉన్న శక్తిని మానవుడు విద్యుత్ శక్తిగా మార్చి ప్రాపంచిక సుఖాలు పొందుతున్నాడు.  

అదే మానవుడు ప్రకృతిలో ఉన్న ఆధ్యాత్మిక శక్తి (భగవంతుని శక్తి) ని గుర్తించలేక కష్టాలు, అశాంతి పొందుతున్నాడు

    - 01.12.96

(యింకా ఉంది)
సర్వం శ్రీసాయినాధార్పణమస్తు 




Kindly Bookmark and Share it:

0 comments:

Post a Comment

 

Shirdi Sai Real Leelas

Bhjans Of Sai

Sai Prayer Club

My Blog List