సచ్చరిత్ర - ప్రశ్నలు జవాబులు

24.03.2011 గురువారము

సచ్చరిత్ర - ప్రశ్నలు జవాబులు
ఓం సాయి శ్రీ సాయి జయజయ సాయి

ఈ రోజు మనము మరికొన్ని ప్రశ్నలు జవాబులు తెలుసుకుందాము.



ప్రతీరోజు పొద్దున్నే లేవగాని బాబా హారతి పాట పెట్టుకుని వినండి. మంచం మీదనించి లేచేటప్పుడు మీ రెండు అరచేతులలొకి చూసి 11 సార్లు "ఓం శ్రీ సాయిరాం" అని ఆయన నామాన్ని స్మరిస్తూ లేవండి.




31. బాబాగారు ఖండొబా మందిరంలోనికి ప్రవేశించినపుదు "ఆవో సాయీ" అని యెవరు పిలిచారు?

మహల్సాపతి

32. బాబా ముందర ఒక్క మాటయినా మాట్లాడని ముగ్గురు భక్తుల పేర్లు చెప్పండి.

శ్రీ బూటీ, శ్రీ ఖపర్డే, శ్రీ నూల్కర్

33. కప్ప , సర్పము వీటి గత జన్మలలోని పేర్లు యేమిటి?

చిన్నబసప్ప, వీరభద్రప్ప

34. భరంపూర్ మహిళ కలలో బాబాగారు తినడానికి యేమి అడిగారు?

కిచిడీ భోజనము

35. బాబాగారు షామాని ప్రతీరోజు యే స్తోత్రము చదవమన్నారు?

విష్ణు సహస్ర నామం

36. కాకాసాహెబ్ దీక్షిత్, షాం కోపర్గావ్ రైలులో వచ్చినప్పుడు, వారి యే క్లాసులో ప్రయాణించారు?


ఫస్ట్ క్లాస్ కంపార్ట్ మెంటులో ప్రయాణించారు.

37. యే రోజున మేఘా బాబావారిని తలనించి పాదముల దాకా స్నానము చేయించాడు?

మహా సంక్రాంతి రోజున.

38. నానా చందార్కర్ గారి అమ్మాయి జామ్నర్ లో ప్రసవ వేదన పడుతున్నప్పుడు,
బాపుగిర్ ద్వారా బాబా గారు నానా చదార్కర్ గారికి రెండు వస్తువులు పంపారు అవి యేవి?

మాథవరావ్ అడ్కర్ రాసిన "ఆరతి సాయిబాబా సౌఖ్య దాతార జీవా" మరియు ఊదీ.

39. నాసిక్ నివాసి మూలే శాస్త్రి గారి గురువు పేరు?

ఘోలప్ స్వామి.

40. డా.పండిత్ గారి గురువు పేరు?

కాకా పూరనిక్

41. శ్రీ బినివాలె యే దేవుని భక్తుడు?

లార్డ్ దత్తాత్రేయ భక్తుడు.

42. మేఘా యే దేవుని భక్తుడు?

లార్డ్ శివ

43. దాస్ గణు యే దేవుని భక్తుడు?

లార్డ్ విఠల్

44. రాథాక్రిష్ణ ఆయి యే దేవుని భక్తురాలు?

లార్డ్ బాలకృష్ణ

45. శ్రీ చాంద్ బాయ్ చేసే ఉద్యోగమేమిటి?

శ్రీ చాంద్ బాయ్ థూప్ ఖేడ్లో విలేజ్ యిన్ చార్జ్


46. మహల్సాపతి యే దేవుని భక్తుడు?

లార్డ్ ఖండోబా.

47. 1917 లో హోలీ పూర్ణిమ రోజున, బాంద్రాలోని (ముంబాయి) హేమాడ్ పంత్ యింటికి యే రూపములో వెళ్ళారు?

బాబా గారు ఫొటో ఫ్రేం రూపంలో హేమాడ్ పంత్ గారి యింటికి వెళ్ళారు.

48. నిరంతరంగా బాబాగారు యేనామాన్ని జపిస్తూ ఉండేవారు?

అల్లా మాలిక్ అల్లా మాలిక్

49 ద్వారకా మాయి మీద రెండు జండాలు యెగురవేయబడ్డాయి, వాటి స్వంతదారులు యెవరు?

1. శ్రీ దాము అన్నా కాసర్ 2. శ్రీ నానాసాహెబ్ నిమాంకర్

50. ద్వారకామాయిలో బాబాగారితో పాటుగా యెవరు నిద్రించేవారు?

మహల్సాపతి & తాత్యా కోతే పాటిల్


(మిగతా ప్రశ్నలు జవాబులు తరువాత)

సర్వం శ్రీ సాయినాథార్పణమస్తు