శ్రీ షిరిడీ సాయి వైభవం - పంచ భూతాలపై ఆధిపత్యం

      

31. 01. 2016 ఆదివారం 

ఓం సాయి శ్రీసాయి జయజయ సాయి 

సాయి బంధువులకు బాబావారి శుభాశీస్సులు 

ఈ రోజు "ది గ్లోరీ ఆఫ్ షిరిడి సాయి" జూలై, 2015 సంచికలో ప్రచురింపబడిన ఒక వైభవాన్ని తెలుసుకుందాము.

బాబా వారికి మానవాతీత శక్తులు ఉన్నాయనే విషయం మనకందరికీ తెలుసు.  మానవ కళ్యాణానికై పంచభూతాలను కూడా ఆయన శాసించగలరు.  ఈ వైభవంలో అగ్నిమీద ఆధిపత్యం ఎలా చూపించారో తెలుసుకుందాం. 

శ్రీ షిరిడీ సాయి వైభవం - 

పంచ భూతాలపై ఆధిపత్యం

షిరిడీ నివాసి కొండజీకి బాబా మీద మిక్కిలి ప్రేమ, భక్తి.  అతని భక్తి ప్రేమలకు బాబా అతనిని ముద్దుగా 'కొండ్యా, అని పిలుస్తూ ఉండేవారు.  ఒక రోజున కొండ్యా బాబా వద్ద కూర్చుని కబుర్లు చెబుతూ ఉన్నాడు.  అది మిట్ట మధ్యాహ్నం, ఎండ చాలా తీవ్రంగా ఉంది.  దానికి తోడు ఈదురు గాలి కూడా వీస్తూ ఉంది.