26.09.2015 ఓం సాయి శ్రీసాయి జయజయసాయి
సాయి భక్తులకు బాబావారి శుభాశీస్సులు
ఈ రోజు హెతాల్ పటెల్ రావత్ గారి బ్లాగునుండి సేకరించిన ఒక సాయి భక్తురాలి అనుభవం తెలుసుకుందాం.
తెలుగు అనువాదం : ఆత్రేయపురపు త్యాగరాజు
పిలిస్తే పలికే దైవం
యునైటెడ్ కింగ్ డం నుండి ఒక సాయిభక్తురాలి అనుభవం:
నాకు సాయిబాబా అంటే ఎంతో నమ్మకం. ఈ సంఘటన, నాకు పాప పుట్టిన మరుసటిరోజున జరిగింది. అప్పుడు నేను లండన్ లో ఆస్పత్రిలో ఉన్నాను. నాకు అమ్మాయి పుట్టింది. కాని పుట్టిన వెంటనే పాపకి ఊపిరితిత్తులలో సమస్య ఏర్ఫడి శ్వాసతీసుకోవడంలో చాలా ఇబ్బంది పడసాగింది. వెంటనే పాపని నియో నాటల్ ఇంటెన్సివ్ కేర్ యూనిట్ లో ఉంచారు. ప్రాణానికి కూడా ప్రమాదం కలగవచ్చని డాక్టర్ లు చెప్పారు. పాపకి యాంటీబయాటిక్స్ వాడుతూ ఐ.వీ. కూడా పెట్టారు. అప్పుడే పుట్టిన పాప లేలేత చేతులకి సూదులు, పక్కన యంత్రాలు, మొదటిసారిగా ఈ స్థితిలో (NICU ) లో ఉన్న పాపని చూసి నా గుండె బ్రద్దలయింది.
ప్రసూతి వార్డ్ లోకి నిర్ణీత సమయాలలో తప్ప ఎవరినీ అనుమతించరు. కొన్ని బ్లాకులు దాటి వెళ్ళాలి. అక్కడ ఒక బ్లాకులో (NICU) పాప ఉంది.
