శ్రీసాయి పుష్పగిరి – ఆధ్యాత్మికం – 12వ.భాగమ్

     

01.04.2016 శుక్రవారమ్

ఓమ్ సాయి శ్రీసాయి జయజయ సాయి

సాయి బందువులకు బాబావారి శుభాశీస్సులు

ఈ రోజు, సాయిబానిసగారికి బాబావారు ప్రసాదించిన ఆధ్యాత్మిక సందేశాలు మరికొన్ని తెలుసుకుందాము.

శ్రీసాయి పుష్పగిరి – ఆధ్యాత్మికం – 12వ.భాగమ్

19.12.2011

111.  ఎదుటివాని మతంలోనివారు తమ పూజలు తాము చేసుకుంటు ఉంటే నీవు వారి పూజా విధానాన్ని గౌరవించాలి.  అదే విధంగా వారు నిన్నూ నీధర్మాన్ని గౌరవించాలి.  అపుడు ఈ సమాజంలో గొడవలే ఉండవు.   

11.01.2012

                       

112.  భగవంతుని అనుగ్రహం అనేది చల్లని పిల్లగాలిలా ఉంటుంది.  అదే భగవంతుని ఆగ్రహం పెను తుఫాను గాలిలా ఉంటుంది.  అందుచేత నీ జీవితంలో పిల్లగాలి వీచినపుడు భగవంతునికి కృతజ్ఞతలు తెలియజేయి.    

19.02.2012

113.  భూమి, ఆకాశం, వాయువు, అగ్ని, నీరు, ఇవి పంచభూతాలు.  వీటి కలయికే ఈ శరీరము.  ఈ శరీరంలో ఏఒక్కటి తీసి వేసినా శరీరములోని ప్రాణము పోతుంది.

                                    

114.  ప్రతి గురువారము, శుక్రవారాలలో విష్ణుసహస్రనామము, లలితాసహస్రనామాలను మందిరంలో సామూహికంగా పఠించి దేవీ పూజ చేసిన దేవీ దేవతల అనుగ్రహం పొందవచ్చును.    

                                                                                                                                                                              ---  సాయిబానిస

                 

16.05.2012

115.  ఈ లోకంలో నీ కంటికి కనిపించేదంతా మాయ.  నీవు కళ్ళు మూసుకుని మనో నేత్రంతో చూడగలిగిందే శాశ్వతము.  అందుచేత మాయను మర్చిపోయి శాశ్వతమయిన భగవంతుని అనుగ్రహాన్ని పొందు.   

02.06.2012

116.   తారాబలం, చంద్రబలం కన్నా, దైవబలం గొప్పదని నేను భావిస్తున్నాను.

27.06.2012

117.  పరమశివుడు రామారక్షాస్తోత్రమును బుధకౌశికఋషికి కలలో చెప్పినాడు కదా!  శ్రీసాయి  తన భక్తులకు కలలలో అనేక సందేశాలు యిచ్చినారని సాయి సత్ చరిత్రలో చెప్పబడింది.  ఈనాడు సాయి శరీరంతో లేకపోయినా తన అంకిత భక్తులకు స్వప్నాలలో సందేశాలు ఇచ్చి, తన భక్తులను సన్మార్గంలో నడిపిస్తున్నారు.     

                                                                                                                                                                           ---  సాయిబానిస

 ((శ్రీ ఎస్.పి.బాల సుబ్రహ్మన్Yఅం, శ్రీమతి ప్.సుశీల గానం చేసిన శ్రీరామ రక్షా స్తోత్రం యూ ట్యూబ్ లో వినండి)

https://www.youtube.com/watch?v=5A26_QtIjtw

09.07.2012

118.  నీ ఆధ్యాత్మిక ప్రయాణము నీ యింటినుంచే ప్రారంభించాలి .  తిరిగి నీ ఇంటిలోనే పూర్తిచేసుకోవాలి.  బయటి ప్రపంచంలోని వారితో కలిసి ఆధ్యాత్మికంలో పయనిస్తే నీకు మిగిలేది తల నెప్పులే.  నీ మనసుకు అశాంతి మాత్రమే మిగులుతుంది.  నీ గమ్యాన్ని చేరలేవు జాగ్రత్త.  

11.07.2012

119.  నాదగ్గిర పగ అనే పాముండేది.  దానిని అడవిలో విడిచిపెట్టాను   ఆ తరువాత పగను ప్రేమగా మార్చుకున్నాను.  అపుడు అదే పాము తిరిగివచ్చి నా మెడలో హారమయింది.   పరమశివుడు నా హృదయంలో నివసించసాగాడు. 

13.07.2001

120.  భగవంతుని ఆదేశానుసారము భగవంతుడు చూపిన కక్ష్యలోనే సూర్యచంద్రులు పరిభ్రమిస్తున్నారే అలాగే మన పాలిట భగవంతుడయిన మన గురువు చూపిన మార్గంలో మనం పయనిస్తూ భగవంతుని పాదాల వద్దకు చేరుకుందాము. 

                        

(మరికొన్ని ఆధ్యాత్మిక సందేశాలు మరుసటి సంచికలో)

(సర్వం శ్రీసాయినాధార్పణమస్తు)