శ్రీసాయి పుష్పగిరి – ఆధ్యాత్మికత – 2వ.భాగం

     
       


06.03.2016 ఆదివారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

మహాశివరాత్రి శుభాకాంక్షలు

సాయిబానిస గారికి బాబావారు ఇచ్చిన ఆధ్యాత్మిక సందేశాలు రెండవ భాగం చదవండి.
     

శ్రీసాయి పుష్పగిరి – ఆధ్యాత్మికం  – 2వ.భాగం 
07.03.2016 మహాశివరాత్రి పర్వదినం సందర్భంగా  గారి ప్రవచనం "శివ స్వరూపంలో సాయి" క్రింద  ఇచ్చిన యూట్యూబ్  లింక్ లో   వినండి. 

09.06.2000

11. నేను పంచభూతాలను నాలో యిముడ్చుకొని ఈ మానవ రూపాన్ని ధరించాను.  మానవుడికి పంచభూతాలపై ఆధిపత్యము లేదు.  నేను మాత్రము ఆ పంచభూతాలను నా ఆధీనంలో ఉంచుకున్నాను.

   

31.08.2000

12. నేను నాగురువు బడిలో చేరిన తరువాత సర్వస్వాన్ని మరచిపోయి నాగురువులో భగవంతుని చూడగలిగాను.  నీవు భగవంతుని నీ గురువులో చూడగలిగిననాడు నీ జన్మ ధన్యము.

30.09.2000

13. ఈ ప్రపంచంలో అన్ని మతాలవారు తమ సాప్రదాయం ప్రకారం భగవంతుని ప్రార్ధించుకోవాలి.  పరమత సహనాన్ని పాటించాలి.  వివాదాలలో తలదూర్చరాదు.

16.11.2000

14.  ఈ నా దర్బారులో వేరువేరు నమ్మకాలతో నావాళ్ళు ఉన్నారు.  వారందరికీ నేనిచ్చే సందేశము.

 "భగవంతుని నమ్మండి.  మీ మీ స్వధర్మానుసారము భగవంతుని పూజించండి. భగవంతుని అనుగ్రహాన్ని పొంది మీ జీవిత గమ్యాన్ని చేరండి".   

30.03.2001

15. మానవుడు తన ఇష్టానుసారము ఆకాశహర్మ్యాలను కట్టగలడు, కూల్చగలడు.  కాని, ఆకాశ పరిశోధనలకు మాత్రము గాలిగుమ్మటాలను వాయుదేవుని అనుగ్రహంతో మాత్రమే పైకి ఆకాశములోనికి పంపి పరిశోధనలను చేయగలడు.  అందుచేత మానవశక్తి కన్న దైవశక్తి గొప్పదని గ్రహించు.

               

16.04.2001

16.   నకిలీ నోట్లుకు, మంచినోటుకు తేడా తెలుసుకోవటానికి వాటిని మంటల్లో వేయుట అవివేకము.  అదే విధముగా ఎదుటి మనిషిలోని ఆధ్యాత్మికత ఎంత ఉందో తెలుసుకోవడం కూడా అవివేకమే.  ఆధ్యాత్మిక విలువలు తెలుసుకోవడానికి ఆధ్యాత్మిక రంగములో (గురువు సహాయంతో) ప్రయాణం చేయుట ఒక్కటే శరణ్యము.

16.04.2001

17.  నీవు ఎదుటివానిని మోసం చేయగలవు.  మరి నిన్ను నీవు మోసం చేసుకోగలవా?  అలాగే నీవు భగవంతుని మోసం చేయలేవు. కారణం భగవంతుడు నీ హృదయంలోనే ఉన్నాడు కనక.

30.04.2002

18.  నీవు తినే అన్నము పరబ్రహ్మ స్వరూపము.  నీవు తినలేని స్థితిలో దానిని పారవేయవద్దు.  ఆకలితో ఉన్న నీతోటివానిని పిలిచి వాని ఆకలి తీర్చు.

29.06.2002

19. బీదరికము భగవంతుని చేరడానికి తొలిమెట్టు.  తోటివాని ఆకలిని గుర్తించగలిగినవాడే బీదవాడు.  అనగా భగవంతుడు నివసించేది బీదవాని హృదయములోనే కదా!

16.02.2003

20.  నేను, నాది, నావాళ్ళు అనేవి ఒకనాడు మట్టిలో కలిసిపోవలసినవే.  వాటిపై వ్యామోహం వదలిపెట్టు.  శాశ్వతమయిన భగవంతునిపై ప్రేమను పెంచుకో.  జీవితాన్ని ప్రశాంతమయిన మార్గములో పయనింపచేసుకో. 

శివ స్వరూపంలో సాయి :  ప్రవచనం 
https://www.youtube.com/watch?v=_SslNISIF0s&feature=youtu.be 

 సాయి ఇచ్చిన సందేశాలు వినండి. 
https://www.youtube.com/watch?v=B7u8z9pe-g8&feature=youtu.be

(మరుసటి సంచికలో మరికొన్ని ఆధ్యాత్మిక విషయాలు)
(సర్వం శ్రీసాయినధార్పణమస్తు)