షిరిడీ యాత్ర అనుభవం- ఇచ్చిన మాట మరవద్దు

21.04.2012  శనివారము

ఓం సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

ఈ రోజు సాయి బంధు నిమిత్ (జైపూర్) గారి షిరిడీ యాత్రలో ఆయనకు కలిగిన అనుభవాన్ని తెలుసుకుందాము.  సాయికి మనము యేమయిన సమర్పించుదామనుకుని మరచిపోయినా ఆయన మనకు గుర్తు చేసి మరీ తీసుకుంటారు.  ఈ విధంగా ఆయన గుర్తు చేయడమంటే మనం నిజజీవితం లో ఇచ్చిన మాట నిలబెట్టుకుని సన్మార్గం లో నడవమని ఆయన ఉద్దేశ్యం.  

నిమిత్ గారి అనుభవం ఆయన చెప్పిన మాటలలోనే చదవండి.

షిరిడీ యాత్ర అనుభవం   - ఇచ్చిన మాట మరవద్దు  

" సాయిరాం హెతాల్జీ,  మాది జైపూర్.  మేము ఇక్కడ క్రమం తప్పకుండా బాబా గుడికి వెడుతూ ఉంటాము. 2010 వ సంవత్సరం శీతాకాలం లో మేము బాబా మందిరానికి వెళ్ళినపుడు బాబా విగ్రహానికి ఒక  శాలువాని సమర్పిద్దామనుకున్నాము.  కాని ఎందుకనో ఈ విషయం మామదిలోనించి తొలగిపోయి, ఇక ఆ విషయం గురించి పూర్తిగా మరచిపోయాము. 

డిసెంబరు 2011 లో మేము షిరిడీ యాత్రకు వెళ్ళాము. సమాధి  మందిరంలో బాబాని దర్శించుకున్న తరువాత, మేము చావడి మందిరం ఉన్న ప్రాంతం లో ఉన్న లక్ష్మీ బాయి యింటికి వెడుతున్నాము.  దారిలో మాకు ఒక ఫకీరు కనపడ్డాడు. అతని మొహం దివ్యమైన వర్చస్సుతో వెలుగొందుతూ ఉంది.  అతను వేసుకున్న దుస్తులు బాబా వారు ఎప్పుడు ధరించే దుస్తులలాగ ఉన్నాయి. నా భార్య నాతో అతనికి దక్షిణ ఇమ్మని చెప్పింది.  నేనతనికి 50/- రూపాయలు ఇచ్చాను.  నేను తిరిగి లక్ష్మీ బాయి యింటివైపు నడక సాగించాను.  తరువాత నాకు నన్నెవరో పిలిచినట్లనిపించింది.  నేను వెనుకకు తిరిగాను.  సాధువులా ఉన్న ఆ ఫకీరు నావైపు చూసి తనవద్దకు రమ్మని సైగ చేశాడు.  నేను వెనుకకు తిరిగి అతనివైపు వెళ్ళాను. అప్పుడతనన్న మాటలు మనమెప్పుడూ వినే బాబా లీల అనిపించింది. ఆ ఫకీరు అన్న మాటలు, "నాకొక కంబళీ కొనివ్వు".  అతను ఈ మాటలను నాతో అన్నపుడు అతని వదనం లోని భావం చాలా ప్రశాంతంగా ఉండి, ఎంతో సాధు స్వభావంగా ఉంది.  ఈ పరిస్థితిలో నాకు యేమి మాట్లాడాలో అర్ధంకాక ఇలా అన్నాను , "బాబాజీ, మీరు ఈ డబ్బుతో కంబళీ కొనుక్కోవచ్చు" అని లక్ష్మీ బాయి షిండే యింటివైపు నడక సాగించాను.  షిరిడీనుంచి తిరుగు ప్రయాణంలో నేను నా భార్య జరిగిన ఈ వృత్తాంతాన్నంతా మరలా చర్చించుకోవడం  మొదలుపెట్టాము.  అప్పుడు మాకు గుర్తుకు వచ్చింది, జైపూర్ లో ఉన్న బాబా మందిరంలో బాబాకి శాలువా సమర్పిద్దామనుకున్న విషయం. 

మేము జైపూర్ లో బాబాకు శాలువాను సమర్పిద్దామనుకున్న విషయాన్ని, షిరిడీలో ఫకీరు రూపంలో వచ్చి మాకు గుర్తు చేశారు. ఇది మాజీవితంలో   జరిగిన అద్భుతమైన సంఘటన.  ఈ అనుభవాన్ని రాస్తున్నపుడు నాకళ్ళల్లోంచి కన్నీరు వస్తోంది. బాబాజీ మీరంటే మాకెంతో ప్రేమ. మీరే మాకు ప్రపంచం. మేమెప్పుడు మిమ్మల్నే ప్రార్ధిస్తూ ఉంటాము.  మీరెప్పుడు మాతోనే ఉండి మామీద దయ చూపుతూ ఉండండి.

సర్వం శ్రీ సాయినాధార్పణమస్తు

బాబాయే నా సర్వస్వం

20.04.2012 శుక్రవారము

ఓం సాయి శ్రీసాయి జయజయ సాయి
సాయి బంధువులకు బాబావారి శుభాశీస్సులు

ఈరోజు నెల్లూర్ నుంచి సుకన్య గారు పంపిన మరొక బాబా లీలను చదువుకుందాము. అజ్ఞాత భక్తురాలు చెప్పిన బాబా లీల.

బాబాయే నా సర్వస్వం

నేను సాయిబాబాకి సామాన్యమైన భక్తురాలిని మాత్రమే. 2006 వ.సంవత్సరం నించి నాకు బాబా గురించి తెలుసు. బాబా నాకు నాజీవితంలో ఎన్నో లీలలను చూపించారు. మీకందరకూ కొన్ని లీలలను చెపుతాను. ఆయన అనుగ్రహంతో నాకు సాఫ్ట్ వేర్ లో ఉద్యోగం వచ్చింది. తరువాత కొన్ని సమస్యల వల్ల తరచూ నేను బాబాని ప్రార్ధిస్తూ ఉండేదానిని. నేనాయనని ప్రార్ధించడం మరచిపోవడం, క్రమంగా తగ్గుతూ వచ్చింది. ఒకసారి నాకు వివాహ ప్రయత్నాలు మొదలుపెట్టారు. నా తల్లిదండ్రులు చాలా తీవ్రంగా నాకు సంబంధాలు చూడటం మొదలుపెట్టారు. జాతకాలు కుదరని కారణంగా, వివాహం కావడం ఆలస్యమవుతూ వచ్చింది. మా అమ్మగారు నాకింకా వివాహం అవటల్లేదని నా స్నేహితులవద్ద వాపోతూ ఉండేది. ఆసమయంలోనే నాకు నామీదనే చాలా బాధవేసింది. ఒకరోజున మా పూజా గదిలో సాయి వ్రతం పుస్తకం చూశాను. ఆపుస్తకాన్ని ఎవరో నా స్నేహితురాలి కోసమిచ్చారు. ఆపుస్తకాన్ని చదివిన తరువాత నాకు నమ్మకం ఏర్పడి, 9 గురువారముల వ్రతం మొదలుపెట్టాను. ఈ సమయంలో నాకు రెండు సంబంధాలు వచ్చాయి. నాకు రెండవ సంబంధం నచ్చింది. అబ్బాయి తరఫువారికి కూడా నేనంటే ఇష్టపడ్డారు. కాని అబ్బాయి, అంటే ప్రస్తుతం నాభర్త , నిర్ణయం చెప్పడానికి కొంత సమయం కావాలని చెప్పాడు. ఇది మాకందరికీ కొంత ఆందోళనకు గురి చేసింది. నేను సమస్యలన్నిటినీ సాయి చరణాల ముందు పెట్టి

9 గురువారముల వ్రతాన్ని పూర్తి చేశాను. మరునాడు ఉదయం అబ్బాయి నేను తనకి నచ్చినట్లుగా ఫోన్ చేశాడు. నాకు నోట మాటరాలేదు. అతనికి నా అంగీకారాన్ని తెలియచేశాను. ఏదో రూపంలో నా నిశ్చితార్ధానికి, నా వివాహానికి రమ్మని బాబాని ప్రార్ధించాను. ఆయన నా ఆహ్వానాన్ని మన్నించారు.

1) నిశ్చితార్ధమునాడు, నా కాబోయే అత్తగారు ఇది నీకే అని చెప్పి నాకు ఉంగరాన్ని ఇచ్చారు. అది చూడగానే నా మనసు ఆనందంతో నాట్యం చేసింది. ఉంగరం మీద బాబా బొమ్మ ముంద్రించబడి ఉంది. బాబా నా నిశ్చితార్ధానికి ఉంగరం రూపంలో వచ్చారు.

2) బాబాని నేను కోరుకున్న విధంగా నా వివాహం గురువారమునాడు జరిగింది. ఆరోజున నేను బాబా వస్తారని ఎదురు చూస్తున్నాను. కొన్ని గంటల తరవాత నేనా విషయం మరిచిపోయాను. హటాత్తుగా నాభర్త మేనత్తగారు "వెండి బాబా విగ్రహంతో మండపం మీదకు వచ్చారు. అదిచూసిన ఆక్షణంలో నాకెంతో ఆనందంవేసి కళ్ళల్లోంచి ఆనంద భాష్పాలు జాలువారాయి. నావంటి సామాన్య భక్తురాలి కోరికను తీర్చినందుకు బాబాకి కృతజ్ఞతలు తెలుపుకొన్నాను.


కొద్దినెలలక్రితం నేను మరొక కంపెనీకి మారదామనుకొన్నాను. కారణం ప్రస్తుతం నేను పని చేస్తున్న కంపనీలో జీతం తక్కువ, నాకు ప్రొమోషన్ కూడా రాలేదు. నాకు చాలా ఆందోళనగా ఉండి బాబాని ప్రార్ధించాను. యింటర్వ్యూలకు వెళ్ళడం ప్రారంచించాను. ఒక ప్రముఖ మల్టి నేషన్ల్ కంపనీలో నేను ఎంపిక కాబడ్డాను. నాకు కావలసిన జీతం పాకేజీ గురించి నామనసులో ఒక సంఖ్య ఉంది. దానినే నేను బాబాకి చెప్పుకుని కోరుకున్నాను. కంపెనీ హెచ్.ఆర్. నేను సెలెక్ట్ అయినట్లుగా చెప్పారు. కాని వారు నేను అడిగిన పాకేజ్ కాకుండా తక్కువ ఇస్తామని చెప్పారు. బాబా నాకు అంతే ప్రసాదించారేమోనని తలచి నేను దానికి అంగీకరించాను. హెచ్.ఆర్. 10 రోజులలో ఆఫర్ లెటర్ పంపుతానని చెప్పారు. 15 రోజులదాకా ఎదురు చూశాను. తరువాత నేను వారిని సంప్రదించగా, నన్ను సెలెక్ట్ చేయలేదని చెప్పారు. అన్ని రౌండ్స్ అయ్యి, పాకేజ్ కూడా ఖరారు చేసి మరలా ఇలా ఎందుకని మాట్లాడాడొ నాకు వింతగా ఉంది. నేనీ విషయాన్ని బాబాకే వదిలేశాను, ఏమో ఎవరికి తెలుసు, బాబా ఆలోచనలు మరొక విధంగా ఉన్నాయేమో. తరువాత నేను మరొక కంపెనీలో యింటర్వ్యూకి వెళ్ళాను. కంపనీ హెచ్.ఆర్. నాతో సెలెక్ట్ అయ్యానని చెప్పి పాకేజ్ గురించి మాట్లాడటం మొదలుపెట్టాడు. కాని ఈసారి నేను యింతకుముందు కంపినీలో అడిగినదానికన్న కొంచెం తక్కువ అడిగాను. వారు తమ నిర్ణయం తరివాత తెలుపుతామని చెప్పారు. నేనింకేమీ ఆశలు పెట్టుకోలేదు. ఒక గంటరతువాత నన్నతను పిలిచి ఇలా చెప్పాడు, "యింతకుముందు నువ్వు పనిచేసిన ఆర్గనైజేషన్, యింకా నీ అనుభవాన్ని బట్టి నీకు యింత పాకేజ్ యిస్తున్నాము" అని చెప్పాడు. నేను నిశ్చేస్టురాలినయ్యాను. కారణం యింతకుముందు వారు ఇస్తానన్న పాకేజ్ తక్కువ, ఇప్పుడు ఇస్తానంటున్న పాకేజ్ సరిగా నామనసులో ఎంతాయితే అనుకున్నానో సరిగా అంతే పాకేజ్ ఇస్తాననని చెప్పారు. ఆసమయంలో నాకు బాబాకు నా మనసులోని భావాలన్ని తెలుసుననిపించింది. తరువాత నేను ఓపికగా మైల్ ద్వారా ఆఫర్ లెటర్ కోసం ఎదురు చూశాను. మరునాడు బాబా రోజైన గురువారము సాయంత్రం బాబాకు ప్రసాదం తయారు చేస్తున్నాను. అదే హెచ్.ఆర్. నాకు ఫోన్ చేసి ఆఫర్ లెటర్ పంపించాము,వెంటనే మైల్ చూసుకోమని చెప్పాడు. నేను మైల్ చూసుకున్నాను. ఆఫర్ లెటర్ లో నేననుకున్న పేకేజ్ ఉంది. నాకు ఆనందంతో నోట మాట రాలేదు. బాబా విగ్రహం ముందు ఆనంద భాష్పాలు రాల్చాను. ప్రతి క్షణం ఆయన నాగురించి జాగ్రత్తలు తీసుకుంటు ఉంటారనిపించింది నాకు. అందుచేత మీరందరూ కూడా, శ్రధ్ధ, సహనంతో ఉండండి. మన న్యాయ సమ్మతమైన కోరికలన్నీ ఆమోదింపబడతాయి.



ఓంసాయి నమోనమహ
జై జై సాయి నమోనమహ
సద్గురు సాయి నమోనమహ

సర్వం శ్రీసాయినాధార్పణమస్తు

నాజీవితాశయాన్ని నెరవేర్చిన బాబా

19.04.2012 గురువారము

ఓం సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

ఈ రోజు నెల్లూర్ నించి సుకన్య గారు పంపిన పేరు వెల్లడించని ఒక సాయి భక్తురాలి బాబా లీలను చదువుకుందాము.

నాజీవితాశయాన్ని నెరవేర్చిన బాబా


నేను రెండుసంవత్సరాలకు పైగా యునైటెడ్ కింగ్డం లో ఉంటున్నాను. క్రిందటి సంవత్సరం జనవరిలో నాకు అబ్బాయి జన్మించాడు. యెప్పటినుంచో నాకు యూ.కే.లో యింజనీరుగా ఉద్యోగం చెయాలని కోరిక. వివాహానికి ముందు భారత దేశంలో యింజనీరుగా పనిచేశాను, తిరిగీ మరలా ఉద్యోగం చేయాలని నా కోరిక. క్రిందటి సంవత్సరం మా బాబుకు 6 నెలల వయసప్పుడు తిరిగి ఉద్యోగాల వేటలో పడ్డాను. కాని ఏమీ ఫలించలేదు. చాలా కాలం యింట్లోనే ఉండిపోయాను. ఉద్యోగానికి ఏ ఇంటర్వ్యూ కాల్స్ రాకపోయేటప్పటికి నాకు చాలా నిరాశ వచ్చింది. బాబా ప్రశ్నలు సమాధానాలు పుస్తకంలో, ఒక స్నేహితుడు వచ్చి సహాయం చేస్తాడు, అది జరుగుతుంది అని సమాధానం వచ్చింది.


అనుకోకుండా ఒక రోజు యూ.కే. లో ఉంటున్న నా చిన్ననాటి స్నేహితుడు వచ్చాడు. అతనినికి నేను ఉద్యోగం కోసం వెతుకున్నట్లు చెప్పాను. అతను నాకు సహాయం చేస్తానని చెప్పాడు. నా రెజ్యూం ని మరలా రాయించి, అతను తన కంపనీలో పనిచేస్తున్న ఒక వ్యక్తితో నాఉద్యోగం గురించి మాట్లాడాడు. నెలలు గడుస్తున్నా ఏ ఫలితం కనపడలేదు.


తరువాత నేను 9 గురువారముల వ్రతం మొదలుపెట్టి, డిసెంబరు, 29, 2011 న పూర్తి చేశాను. ప్రతీసారి నేను బాబాని నా ఉద్యోగం గురించి అడుగుతూ ఉండేదానిని, అన్నిటికీ అనుకూలంగానే సమాధానం వచ్చేది.


ఒకరోజు షివపూర్ మందిరం లీలల గురంచి నాకు మైల్ వచ్చింది. అక్కడ పూజకోసం డొనేషన్ పంపించాను. అమిత్ గారితో మాట్లాడి నా ఉద్యోగం గురించి బాబాని ప్రార్ధించమని చెప్పాను. జనవరి 2012 కల్లా నాకు ఉద్యోగం వచ్చేలా చేయమని వెబ్ సైట్ ద్వారా షిరిడీకి నా ప్రార్ధనలను పంపించాను. నాకు ఏవిధమైన జవాబు రాకపోవడం వల్ల రోజు రోజుకీ నాకు పిచ్చి ఎత్తినట్లుగా ఉండేది. తరువాత జనవరి, 13, 2012 న, 19 వ.తారీకు యింటర్యూ కి రమ్మని కాల్ లెటర్ వచ్చింది. యింటర్వ్యూ గురువారము.అప్పటివరకు నాకు ఒక్క యింటర్వ్యూ కాల్ కూడా రాలేదు.

ఈ కంపనీ కూడా పెద్ద కంపెనీలలో ఒకటి, ఇది మాయింటికి దగ్గరలోనేఉంది. నాకెప్పుడూ ఆ కంపెనీలోనే పనిచేయాలనే కోరిక.

నాకు అప్పచెప్పబోయే పనిలో అనుభవం లేనందువల్ల నాకు భయంగా ఉంది. నాకు ఆ సబ్జెక్ట్ లో డిగ్రీ మాత్రమే ఉంది, ఏమాత్రము అనుభవం లేదు. నేను బాబాని ప్రార్ధించి యింటర్వ్యుకి వెళ్ళాను. యింటర్వ్యూ బాగా చేశాను. ఫలితం కోసం ఎదురుచూడసాగాను. రోజులు గడిచిపోతున్న కంపెనీనుంచి ఎటువంటి సమాధానమూ రాలేదు. బాబాముందు రోదించి, ఆయన అనుగ్రహం చూపమని ప్రార్ధించాను. ఒక గురువారమునాడైనా నాకు సమాధానం వస్తుందని ఎదురుచూశాను,కానీ రాలేదు. నాకు చాలా నిరాశ వచ్చింది. జనవరి 31 వచ్చింది, కాని ఎటువంటి సమాధానము రాలెదు. నా హృదయం క్షోభించింది, నేను బాబాతో దెబ్బలాడాను, నాకు జనవరి 2012 లో ఉద్యోగాన్నిమనమని షిరిడీకి కూడా నావిన్నపాలు పంపించాను ఎందుకని నా కోరిక తీర్చలేదని. ఇక్కడే విచిత్రం జరిగింది.


ఫిబ్రవరి 1 తారీకున పోస్ట్ లో నాకు ఆఫర్ లెటర్ వచ్చింది, అది జనవరి 31వ తారీకున పోస్ట్ చేయబడింది. బాబా తన మాటను నిలబెట్టుకుని నాకు చేసిన సహాయానికి షాక్ కి గురయ్యాను. షిరిడీలో బాబా నాప్రార్ధనలని ఆలకించినందుకు,

షివపూర్ లోని బాబా

నన్ను ఆశీర్వదించినందుకు నాకు చాలా ఆనందం కలిగింది. నా జీతంకూడా నేను ఊహించనిది, నాకప్పగించబోయే పనికూడా ఆశ్చర్యకరమే.కంపెనీ కూడా మాయింటినించి నడిచే దూరంలోనే ఉంది. ఇక్కడ విచిత్రమేమంటే, నేను డిసెంబరు 29 న ఉద్యోగానికి అప్ప్లై చేశాను. ఆరోజు నేను వ్రతం పూర్తి చేసిన రోజు. యింటర్వ్యూ జనవరి 19 న జరిగింది, అదే రోజున నా ప్రేయర్స్ షిరిడీకి చేరాయి. బాబా ముందుగానే ఇవన్నీ ఏర్పాటు చేసి తనలీలను చూపించారు.

నాకోరిక బాబా తీర్చి, నాకు ఉద్యోగాన్నిచ్చారు, ఇదంతా తలుచుకుంటే నాకే చాలా ఆశ్చర్యంగా ఉంది. ఇటువంటి పెద్ద కంపెనీలో కూడా నాకు అసలు అనుభవం లేదు. బాబాముందు నేను కన్నీళ్ళతో నా కృతజ్ఞతలు తెలుపుకున్నాను.


నేను బాబాకి తగినంతగా కృతజ్ఞతలు తెలుపుకోలేకపోవచ్చు,కాని బాబాయే నా సర్వస్వం. నాజీవితాన్ని నేను బాబాకి అంకితం చేశాను. నాకర్ధమైనదేమిటంటే, తన బిడ్డలకు ఏది ఇవ్వాలో బాబాకు బాగా తెలుసు, కాని మనకు ఆయన మీద సడలని నమ్మకం ఉండాలి. నాకీరోజు ఆయన తన లీలను చూపించారు, మీకు కూడా చూపించవచ్చు. షివపూర్ లో ఉన్న బాబా కూడా ఎంతో దయగలవారు. తన భక్తుల కోరికలను తీర్చడానికి ఆయన అక్కడ ఉన్నారు.


జై సాయినాధ్, కోటి కోటి ప్రణామాలు, బాబా అందరినీ దీవించుగాక.

సర్వం శ్రీసాయినాధార్పణమస్తు