శ్రీసాయి పుష్పగిరి – ఆధ్యాత్మిక జీవితం -5 వ.భాగమ్

        

23.04.2016  శనివారమ్

ఓమ్ సాయి శ్రీసాయి జయజయ సాయి

సాయి బంధువులకు బాబా వారి శుభాశీస్సులు

సాయి బానిసగారికి బాబావారు ప్రసాదించిన ఆధ్యాత్మిక జీవితం మీద మరికొన్ని సందేశాలు.

శ్రీసాయి పుష్పగిరి – ఆధ్యాత్మిక జీవితం -5 వ.భాగమ్

  18.01.2005

41.  ఏదయినా మంచిపని పూర్తి చేయవలసివచ్చినపుడు మధ్యవర్తుల జోక్యమునకు దూరంగ ఉండటము మంచిది.  మనమే ముఖాముఖీ మనకు కావలసినవారితో మాట్లాడుకుని ఆ పనిని పూర్తి చేసుకోవడం మంచిది 

                

42.  కాల  చక్రంలో నలిగిపోయి కాలగర్భంలో ఎందరో కలిసిపోయారు.  నీవు వారందరి గురించి ఆలోచిస్తున్నావా?  ఒకనాడు నేటి వర్తమానంలోని నీవు, నీ వాళ్ళు కూడా ఇదే విధంగా కనుమరుగవుతారు.  అందుచేత వర్తమానాన్నే నమ్ముకుని ప్రశాంతంగా జీవించు.

శ్రీ సాయి అమృత ధార - నమ్ము నమ్మకపో….

     

22.04.2016 శుక్రవారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

ఈ రోజు శ్రీ సాయి అమృత ధారలో మరొక అద్భుతమైన చమత్కారాన్ని తెలుసుకుందాము. ఈ లీల శ్రీసాయి లీల మాసపత్రిక ఏప్రిల్ 1987 వ.సంవత్సరంలో ప్రచురింపబడింది.

నిజానికి విజ్ఞాన శాస్త్రాన్ని నమ్మిన వారెవరూ ఏ కొద్ది మందో తప్ప దేవుడి ఉనికిని నమ్మరని నా ఉద్దేశ్యం.  వైద్యులు కూడా తామిచ్చే మందుల మీదే ఆధారపడతారు గాని, ప్రత్యేకంగా భగవంతుని నమ్ముతారో లేదో నాకు తెలియదు గాని, ఊదీ రోగాలను నయం చేస్తుందనే విషయాన్ని నమ్మకపోవచ్చు. ఇప్పుడు ఈ లీల చదవండి.

శ్రీ సాయి అమృత ధార

నమ్ము నమ్మకపో….

మీకు నేనిప్పుడు చెప్పేది ఒక కధలా అనిపించవచ్చు.  కాని యదార్ధంగా జరిగిన సంఘటననే మీముందుంచుతున్నాను.  చదివిన తరువాత పాఠకులే నిర్ణయించాలి.

శ్రీ సాయి అమృత ధార - బాబా చేసిన ధన సహాయం

     

21.04.2016 గురువారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

శ్రీ సాయి అమృత ధార

బాబా చేసిన ధన సహాయం

ఈ రోజు మనం మరొక అత్యధ్బుతమైన అమృత ధార గురించి తెలుసుకుందాము .

బాబా గారు ద్వారకామాయిలో దక్షిణగా స్వీకరించిన సొమ్మునంతా మరలా భక్తులందరికీ ఉదారంగా పంచి పెట్టేస్తూ ఉండేవారన్న విషయం మనకందరకూ తెలుసు.  బాబా వారికి సత్సంగాలంటే ప్రీతి.  ఎక్కడ సత్సంగాలు జరుగుతున్నా బాబా అక్కడ స్వయంగా ఉంటారనీ, కొంత మంది భక్తులపై తన అనుగ్రహాన్ని ప్రసరిస్తూ ఉంటారన్న విషయం కూడా సత్సంగాలను నిర్వహిస్తున్న వారందరికి అనుభవమే.  

ఒక్కొక్క సారి సత్సంగాలు జరుగుతున్నపుడు, ఆఖరులో బాబా వారికి ఆరతి ఇస్తుండగా భక్తులలో కొందమందికి తమకు తెలియకుండానే కళ్ళంబట నీరు వస్తూ ఉంటుంది.  నేను నరసాపురంలో ఉండగా సత్సంగంలో పాల్గొన్నపుడు నాకు కూడా అది అనుభవమే.  మరికొంత మందికి కూడా అటువంటి అనుభవమే కలిగింది.  ఇప్పుడు మనం సత్సంగం చేసుకోవడానికి బాబా ధన సహాయం ఏవిధంగా చేశారో తెలుసుకుందాము.  నరసాపురంలో సత్సంగం ప్రారంభిద్దామనుకున్న తన భక్తులకి బాబా మొట్టమొదటి సారిగా ధనాన్ని ఎలా సమకూర్చారో అది కూడా ప్రచురిస్తున్నాను.  ఈ లీలను    2011 సం.నవంబరు 11 వ. తేదీన ప్రచురించాను.

సందర్భం వచ్చింది కాబట్టి మరలా చివరలో ప్రచురిస్తున్నాను చదవండి.

ఇప్పుడు మీరు చదవబోయే లీల శ్రీసాయి లీలా మాసపత్రిక జనవరి, 1984 వ.సంవత్సరంలో ప్రచురింపబడింది.

మొట్టమొదటి సారిగా నేను పూజ్యశ్రీ ఎక్కిరాల భరద్వాజగారిని 1980 వ.సంవత్సరం జూలై నెలలో కలుసుకునే భాగ్యం కలిగింది.  అప్పుడాయన చివటం  (పశ్చిమ గోదావరి జిల్లా )  గ్రామంలో సాయి తత్వ ప్రచారానికి ఎంతగానో కృషి చేస్తున్నారు.  ఆ రోజు చివటం అమ్మ మహాసమాధి చెందిన ‘మండలారాధన’ రోజే కాక గురుపూర్ణిమ రోజు కూడా అవడం వల్ల ఎతో మంది మహాత్ములు వచ్చారు. 

(చివటం అమ్మ.  ఈమె గొప్ప అవధూత.  ఈవిడ దిగంబరంగానే తిరిగేవారు.  చివటం గ్రామంలో ఆవిడ సమాధి కూడా ఉంది.)

శ్రీసాయి పుష్పగిరి – జీవితమ్ – 4 వ.భాగమ్

20.04.2016 బుధవారమ్

ఓమ్ సాయి  శ్రీసాయి జయజయ సాయి

సాయి బంధువులకు బాబావారి శుభాశీస్సులు

సాయి బానిసగారికి బాబా వారు ప్రసాదించిన ఆధ్యాత్మిక జీవితంపై మరికొన్ని సందేశాలు.

          

శ్రీసాయి పుష్పగిరి – జీవితమ్ – 4 వ.భాగమ్

12.03.2004

31.  జీవితమనే సాగరంలో నీవు ఒక కెరటానివి.  కెరటం ఎంత పైకి ఎగసినా ఆఖరికి తిరిగి సాగరంలో కలసిపోవలసిందే.  కాలమనే కెరటం ఎవరికోసం ఆగదు.  అలాగే మానవ జీవితం కూడా ఈ కాల గర్భంలో కలసిపోవలసిందే.

22.05.2004

      

33.  పూర్వకాలంలో నది ఒడ్దున ప్రజలు ఇళ్ళు కట్టుకొని నివసించేవారు.  ఆ నదికి వరదలు వచ్చినపుడు మాత్రము ఎత్తు ప్రదేశాలకు వలస వెళ్ళి తిరిగి నదిలో నీరు తగ్గిన తరువాత తమ ఇళ్ళకు చేరుకునేవారు.  వారు ఏనాడు నదిని ద్వేషించలేదు.  వారు ప్రకృతిలో కలసి జీవించేవారు.  కాని, ఈనాడు సమాజములో మానవులు ప్రకృతిని ధ్వంసము చేస్తు తమలో తాము వైషమ్యాలను పెంచుకుంటూ ఈ మానవాళిని సర్వనాశనము చేస్తున్నారు.  

                     

శ్రీ సాయి అమృత ధార - పెళ్ళి చూపులు

      

19.04.2016 మంగళవారమ్

ఓమ్ సాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

శ్రీ సాయి అమృత ధార

పెళ్ళి చూపులు

(చిత్రంగా జరిగిన నా వివాహం)

ఈ రోజు మరొక అత్యద్భుతమైన అమృతధార ఒకటి తెలుసుకుని ఆనందిద్దాము. ఈ అద్భుతమైన లీల శ్రీసాయిలీల మాస పత్రిక ఏప్రెల్, 1987 వ.సంవత్సరంలో ప్రచురింపబడింది.  బాబా ఎప్పుడు ఎవరికి ఎటువంటి విచిత్రాలు చూపిస్తారో అంతు చిక్కదు.  ఇప్పుడు మీరు చదవబోతున్న చిత్రమైన లీలలో బాబా తన భక్తురాలికి వివాహం ఏవిధంగా జరిపించారో చూడండి.  ఇంకా చెప్పేకంటే చదువుతేనే ఆ మాధుర్యాన్ని అనుభవించగలం.

అది 1980వ. సంవత్సరం.  నా బి.ఎ. పరీక్షలు పూర్తయిపోయాయి.  ఇక పరీక్షా ఫలితాల కోసం ఎదురు చూస్తున్నాను.  నా భవిష్యత్తు ఏవిధంగా ఉంటుందోనన్న ఆలోచనలతో సతమతమవుతూ ఉన్న రోజులవి.  1975 వ. సంవత్సరంలో మా నాన్నగారు చనిపోయారు.  ఇంటిలో మా అమ్మగారు, మా అన్నయ్య, వివాహమయిన నా అక్కలు ఉన్నారు.  వారు నాకు తగిన వరుడికోసం సంబంధాలు వెతుకుతున్నారు.  ఎందుకనో వారు చూసిన సంబంధాలేవీ నా అభిప్రాయాలకి తగినట్లుగా లేవు.